ಬಿಗ್‌ ಬಾಸ್‌ ಮನೆಯಲ್ಲಿ ಜಗಳ ಎಷ್ಟು ಕಾಮನ್‌ ಹಾಗೇ ಫನ್ನಿ ಸನ್ನಿವೇಶಗಳು ನಡೆಯುತ್ತಿರುತ್ತವೆ. ವಿಭಿನ್ನ ವ್ಯಕ್ತಿತ್ವ ಹೊಂದಿದ ಸ್ಪರ್ಧಿಗಳಲ್ಲಿ ಕಿರಣ್ ಶಾಸ್ತ್ರಿ ಬಹಳ ವಿಶೇಷವಾಗಿದ್ದಾರೆ ಎಂಬ ಭಾವನೆ ವೀಕ್ಷಕರಿಗೆ ಬಂದಿದೆ. ಮತ್ತೊಂದು ವಿಚಾರ ಅಂದ್ರೆ ಕಿರಣ್ ಶಾಸ್ತ್ರಿ ದೇವಿ ಬಳಿ ಮಾಡಿಕೊಳ್ಳುವ ಡೀಲ್‌ಗಳು. ವರ ಕೇಳುವ ರೀತಿಗೆ ನಕ್ಕಿದ್ದ ವೀಕ್ಷಕರು, ಕಳೆದ ಭಾನುವಾರ ಎಲ್ಲರೂ ತಮಾಷೆ ಮಾಡಿದ್ದರು. ಇದೀಗ ಮನೆಯಲ್ಲಿರುವ ಕಿರಣ್ ಶಾಸ್ತ್ರಿ ಅವರು ದೇವರಿಗೆ ಪೂಜೆ ಸಲ್ಲಿಸಿ, ಹೂವು ಪ್ರಸಾದಕ್ಕಾಗಿ ಪ್ರಾರ್ಥಿಸುತ್ತಿರುವ ತಮಾಷೆಯ ಸನ್ನಿವೇಶವೊಂದು ಎದುರಾಗಿದೆ.
ದೇವತೆಯ ವಿಗ್ರಹದ ಮುಂದೆ ನಿಂತು ಕಿರಣ್ ಶಾಸ್ತ್ರಿ ಅವರು, ‘ನಾನು ಆಡಿದ ಆಟ ಚೆನ್ನಾಗಿತ್ತು ಅನ್ನೋದಕ್ಕೂ ಒಂದು ಹೂವು ಕೊಡು. ಮುಂದೆ ನನ್ನ ರಕ್ಷಣೆ ಮಾಡ್ತೀಯಾ ಅನ್ನೋದಕ್ಕೂ ಒಂದು ಹೂವು ಕೊಡು’ ಎಂದು ಭಕ್ತಿಯಿಂದ ಕೇಳಿಕೊಂಡರು. ವಿಗ್ರಹದಿಂದ ಹೂವು ಕೆಳಗೆ ಬೀಳಲೇ ಇಲ್ಲ. ಇದರಿಂದ ಕೊನೆಗೆ ನೆಲದ ಮೇಲೆ ಮಲಗಿದ ಕಿರಣ್ ಶಾಸ್ತ್ರಿ, ‘ಮಮ್ಮಿ ಗಿವ್ ಮಿ ಒನ್ ಫ್ಲವರ್ ಪ್ಲೀಸ್.. ಇಷ್ಟೆಲ್ಲಾ ಹಾಡು ಹಾಡಿದರೂ ಒಂದು ಹೂವು ಕೊಡೋಕೆ ಕಷ್ಟನಾ?’ ಎಂದು ದೇವರೆದುರು ಬೇಡಿಕೊಂಡಿದ್ದಾರೆ.
